لاہور ( نیوز رپورٹر) تحریک انصاف سنٹرل پنجاب کے جوائنٹ سیکرٹری ملک امانت علی نے کہاکہ ن لیگ اور پیپلزپارٹی نے پاکستان کو تباہی کے دہانے تک پہنچایا، کراچی میں بارشوں سے تباہی پر سندھ حکومت چین کی بانسری بجاکر سورہی ہے، بلاول زرداری اور مراد علی شاہ کہیں دور بین سے بھی دکھائی نہیں دے رہے، کراچی کی تباہی پر پاکستان کا ہر شہری خون کے آنسو رورہا ہے لیکن سندھ کے ڈھیٹ اور بے ایمان ٹولے کو کوئی فکر نہیں، عوام بے یارومددگار کھلے آسمان کے نیچے زندگی گزارنے پر مجبور ہیں، سندھ حکومت کی نااہلی اور مایوس کن کارکردگی کا پول عوام کے سامنے کھل کر آگیا ہے۔