صادق سنجرانی کا کراچی فیکٹری میں آتشزدگی کے واقعہ پرافسوس 

اسلام آباد(نیوزرپورٹر)چیئر مین سینیٹ محمد صادق سنجرانی نے کراچی کورنگی مہران ٹا ن فیکٹری میں آتشزدگی کے واقعہ پر گہرے دکھ اور ا فسوس کا اظہار کرتے ہوئے جاںبحق افراد کے لئے دعا مغفرت اور زخمیوں کی صحت یابی کے لئے دعا کی۔ چیئرمین سینیٹ نے کہا کہ حادثے کے باعث قیمتی جانوں کے ضائع پر بے حد افسوس ہے۔ انھوں نے کہا کہ غمزدہ خاندانوں کے دکھ کی اس گھڑی برابر کے شریک ہیں۔ ڈپٹی چیئرمین سینیٹ سینیٹر مرزا محمد آفریدی نے بھی فیکٹری میں آتشزدگی کے حادثے پر افسوس کا اظہار کیا اورجاں بحق افراد کے لئے دعا کی۔ قائد ایوان سینیٹ سینیٹر ڈاکٹر شہزاد وسیم اور قائد حزب اختلاف سینیٹ سینیٹر سید یوسف رضا گیلانی نے بھی کراچی کورنگی فیکٹری میں آتشزدگی کے افسوسناک حادثے پر گہرے دکھ و افسوس کا اظہار کیا ۔ انہوں نے اپنے تعزیتی پیغامات میں جاں بحق افراد کے لئے مغفرت کی دعا کی اور سوگواران کے صبر جمیل کی دعا کی۔