ڈھاکہ(آئی این پی)نیوزی لینڈ کرکٹ ٹیم کی بنگلادیش میں آئسولیشن مکمل ہوگئی ، کھلاڑیوں کو ٹریننگ کی اجازت مل گئی۔پانچ ٹی ٹوئنٹی میچز کی سیریز کیلئے نیوزی لینڈ کی ٹیم ان دنوں بنگلا دیش میں موجود ہے، ڈھاکا میں کیوی ٹیم کی تین روزہ آئسولیشن مکمل ہوگئی ہے جس کے بعد کھلاڑیوں نے ایک ساتھ وقت گزارنا شروع کر دیا ہے۔نیوزی لینڈ کرکٹ ٹیم  نے جمعہ کی سہہ پہر میں ہلکا پھلکا ٹریننگ سیشن کیا۔دوسری جانب کوویڈ ٹیسٹ مثبت ہونے کی وجہ سے اسکواڈ سے باہر ہونے والے فن ایلن کی جگہ میٹ ہنری کو طلب کرلیا گیا ہے، نیوزی لینڈ اور بنگلہ دیش کی ٹیموں کے درمیان ٹی ٹوئنٹی سیریز یکم ستمبر سے شروع ہو گی ۔