حافظ آباد( نمائندہ خصوصی + نامہ نگار+نمائندہ نوائے وقت ) حافظ آباد پولیس نے سرگودھا روڈ پر دوران ناکہ بندی موٹر سائیکل سوار شہنشاہ کو گرفتار کر کے1280 گرام چرس،جبکہ کسوکی روڈ پر موٹر سائیکل سوار  جارج مسیح سے 84 بوتلیں ولائتی شراب برآمد کرلی دریں اثناء سی آئی اے پولیس نے کاروروئی کرکے موٹر سائیکل چورگینگ کے افرادغلام شبیر اور احتشام حیدر  کو گرفتار کرکے 9 موٹر سائیکل برآمد کر لیں۔یہاں یہ امر قابل ذکر ہے کہ ضلع بھر سے گذشتہ چندہفتوںکے دوران 50سے زائد موٹر سائیکلیں چرائی جاچکی ہیں لیکن پولیس ابھی تک ان کاسراغ لگاسکی نہ موٹر سائیکلوںکو برآمد کرسکی۔