وفاقی اردو یونیورسٹی کی اکیڈمک کونسل  کا بتیسواں اجلاس 

کراچی (نیوز رپورٹر) وفاقی اردو یونیورسٹی کی اکیڈمک کونسل کا بتیسواں اجلاس عارضی  شیخ الجامعہ پروفیسر ڈاکٹر روبینہ مشتاق کی زیرِ صدارت  ہوا۔اجلاس میں وفاقی اردو یونیورسٹی سے ایم ایس، ایم فل، پی ایچ ڈی ڈگری تفویض کرنے کی توثیق کی گئی۔نئے شعبہ جات کے قیام کی بھی منظوری دی گئی جبکہ طلبہ کے معاملات پر خصوصی گفتگو کی گئی نیز داخلہ،  امپرومنٹ اور انرولمنٹ توسیع کے معاملات کے حل بھی زیر بحث آئے۔اساتذہ اورباقی عمال کی ویکسین جلد مکمل کرلی جائے گی۔ کرونا وبا کے باعث حکومت سندھ اور ہائر ایجوکیشن کمیشن کی جانب سے دیئے گئے احکامات کے مطابق تدریسی عمل جاری رہے گا۔اجلاس میں رئیس کلیہ سائنس پروفیسر ڈاکٹر محمدزاہد، رئیس کلیہ فنون و انچارج کلیہ تعلیمات پروفیسرڈاکٹر محمد ضیا الدین،رئیس کلیہ نظمیاتِ کاروبار، تجارت و معاشیات پروفیسر ڈاکٹر مسعود مشکور،قائم مقام رجسٹرارڈاکٹر محمد صارم،پروفیسر ڈاکٹر زرینہ علی، ڈاکٹر نعیم الدین آرائیں،ڈاکٹر عبدالمجید خان،ڈاکٹر شائستہ عصمت، ڈاکٹر محمد شعیب، ڈاکٹر محمد خالد،ڈاکٹر منزہ دانش،ڈاکٹر محمد اسماعیل موسی، ڈاکٹر غلام رسول لکھن، ڈاکٹر زیبا پروین عمران، ڈاکٹر اوج ِ کمال،انچارج  کلیہ فارمیسی ڈاکٹر مہہ جبین، ناظم امتحانات غیاث الدین، لائبریرین فوزیہ بانو،انچارج اسلام آباد کیمپس ڈاکٹر عامر ندیم،ڈائریکٹر ایڈمیشن ڈاکٹر سید اخلاق حسین،ڈائریکٹر ایڈمیشن (اسلام آباد) ڈاکٹر عمران شہزاد،مشیر امور طلبہ گلشن کیمپس محمد افضال، نجم العارفین،ٹریژار دانش احسان نے شرکت کی۔
وفاقی اردو یونیورسٹی