اسلام آباد (اے پی پی) امیر البحر ایڈمرل محمد امجد خان نیازی سے پاکستان میں تعینات اٹلی کے سفیر آندریاس فیراریس  نے ملاقات کی۔ ترجمان پاک بحریہ کے مطابق اطالوی سفیر نے جمعہ کو نیول ہیڈ کوارٹرز اسلام آباد کا دورہ کیا۔ اس موقع پر ملاقات میں باہمی دلچسپی کے امور اور علاقائی سکیورٹی صورتحال پر تبادلہ خیال کیا گیا۔ دونوں ممالک کے مابین دو طرفہ تعلقات کو مزید فروغ دینے کے عزم کا بھی اعادہ کیا گیا۔