رود کوہیوں میں دو گنا زیادہ سیلابی پانی آیا:کمشنر ڈیرہ 

 ڈیرہ غازی خان ، راجن پور،جام پور( بیورو رپورٹ،نمائندہ نوائے وقت)کمشنر ڈیرہ غازی خان محمد عثمان انور نے کہا کہ رود کوہیوں میں دو گنا زیادہ سیلابی پانی آیا۔ڈی جی خان اور راجن پور کے611 مواضعات میں322049 ایکڑ پر کاشت فصلوں کو نقصان پہنچا۔ 1697263 ایکڑ رقبہ اور424721 افراد متاثر ہوئے۔46070 گھروں کو جزوی یا مکمل نقصان پہنچا۔ دریں اثناءمحمد عثمان انور نے کہا ہے کہ اسسٹنٹ کمشنرز کی سربراہی میں کمیٹیاں تشکیل دے دی گئی ہیں جو امدادی سرگرمیوں سمیت سیلاب زدگان کے معاملات دیکھ رہی ہیں سیلاب زدہ بھائیوں کی معاونت کیلئے مخیر حضرات آگے آئیں انہوں نے کہا کہ مخیرافراد خود بھی امداد کرسکتے ہیں متعلقہ اسسٹنٹ کمشنر ان کے ساتھ جائے گا اور امدادی سامان کی تقسیم میں معاونت کرے گا۔
کمشنر ڈیرہ