فیروز والہ : طالب علم سمیت 4افراد کو اغواء کرلیا گیا 

 فیروز والہ( نامہ نگار) طالب علم سمیت چار افراد کو اغوا ء کرلیا گیا۔پولیس چوکی لبان والا کے سامنے نامعلوم افراد نے خانہ بدوش رنگ زیب کی بیٹی 15سالہ(ب) کواغواہ کر لیا اور فرار ہو گئے ۔فیروز والا پولیس نے مقدمہ درج کر لیا ۔رچنا ٹاؤن میں بیوہ خاتون کی جواں سالہ بیٹی(م) کو نوجوان زاہد اغوا کر کے فرار ہو گیا۔ دوشیزہ فیکٹری میں ملازمہ تھی ‘ فیکٹری منیجر نے شادی کا جھانسہ دے کر اغوا کر لیا اور فرار ہو گیا ہے۔ کوٹ عبدالمالک میں محنت کش اظہر علی کی سات سالہ بیٹی طیبہ گھر کے باہر گلی میں کھیل رہی تھی کہ نامعلوم افراد نے اغوا کر لیا۔ فیکٹری ایریا پولیس نے مقدمہ درج کر لیا ۔ ونڈالہ دیال شاہ میں نامعلوم افراد نے طالب علم علی حیدر کو اغوا کر لیا فرار ہو گئے۔ پولیس نے مقدمہ درج کر لیا۔