فیروز والہ( نامہ نگار) گھریلو جھگڑے پر نوجوان محمد ہادی اسلم16 سالہ قتل ملزم فرار ہو گیا ۔ عابد ٹاؤن کا شعیب اشرف اور محمد ہادی اسلم کے درمیان گھریلو تنازعہ پر تلخ کلامی ہوگئی ۔ شعیب اشرف کے دوست کاشف نے پسٹل سے فائرنگ کر کے دوست کے سالے محمد ہادی اسلم کو ہلاک کر دیا اور فرار ہو گیا۔ فیروز والا پولیس نے نعش پوسٹ مارٹم کیلئے ہسپتال بھجوا دی۔ پولیس نے مقتول کے بھائی کی رپورٹ پر ملزم کاشف کے خلاف قتل کے الزام میں مقدمہ درج کر لیا۔ مقتول کے بہنوئی شعیب اشرف نے اپنی بیوی کو مارا پیٹا جس کے بارے میں محمد ہادی اسلم نے بہنوئی سے جھگڑے کی وجہ پوچھی تو بہنوئی کے دوست نے آکر فائرنگ کردی جس کے نتیجہ میں محمد ہادی اسلم ہلاک ہو گیا ۔