فیروز والہ : ڈاکوئوں نے باپ بیٹے ‘میاں بیوی سمیت متعدد افراد کو لوٹ لیا

 فیروزوالہ( نامہ نگار) ڈکیتی ،راہزنی ،چوری اور سرقہ بالجبر کی جگہ جگہ وارداتیں‘ نا تجربہ کار ایس ایچ اوز بڑھتی ہوئی وارداتوں کو کنٹرول کرنے میں بے بس‘ ڈاکوں نے باپ بیٹے اورمیاں بیوی سمیت متعدد فیملیز اور شہریوں کو لوٹ لیا۔کالا شاہ کاکو کے قریب ڈاکوؤں نے موٹر سائیکل سوار ایوب اور اس کی بیوی سے پونے دو لاکھ روپے کی رقم اور زیورات نقدی لوٹ کر فرار ہو گئے۔ ڈاکو موٹرسائیکل سوار زبیر احمد اور اس کے باپ سے نقدی تین موبائل چھین کر لے گئے۔ رانا ٹاؤن کے قریب ڈاکو محمد حسین سے نقدی اور موبائل چھین کر لے گئے۔ ونڈالا نہر کے قریب ڈاکو ناکہ لگا کر ریاض احمد اور دیگر افرادسے ہزاروں روپے کی رقم اور موبائل چھین کر لے گئے۔ رچنا ٹاون کے قریب ڈاکووں نے رکشہ سوار ماجد علی اور دیگر افراد سے ہزاروں روپے کی رقم چھین لی ۔ ڈاکو فیکٹری مزدوروں محمد رمضان ،طاہر گل اور امجد سے موٹر سائیکل تین موبائل اور ہزاروں روپے کی رقم چھین کر لے گئے۔ جھامکے کے قریب 12 رکنی ڈاکوؤں کے گروہ صنعتکار یاسر علی کی کاغذ ساز فیکٹری میں سکیورٹی سٹاف کو یرغمال بنا کر لاکھوں روپے مالیت کے کرنسی نوٹ اور تیار شدہ کاغذ نکال کر ٹرک پر لاد کر لے گئے ۔ ڈاکو جمشید فاروق، افضال اور عامر شہزاد سے ڈیڑھ لاکھ روپے رقم چار موبائل چھین کر لے گئے۔