پشاور (نوائے وقت رپورٹ) خیبر پی کے کے بلدیاتی ضمنی انتخابات کی تمام 72 نشستوں کے غیر حتمی نتائج کے مطابق آزاد امیدواروں نے میدان مار لیا۔ الیکشن کمشن کے مطابق 40 نشستوں پر آزاد امیدوار کامیاب ہو گئے۔ پی ٹی آئی 14 نشستوں پر کامیاب ہوئی۔ جے یو آئی 6‘ جماعت اسلامی 5‘ اے این پی 4‘ پی پی 2‘ ٹی ایل پی 1 نشست پر کامیاب ہوئی ہے۔ ولیج کونسل کی 19 نشستوں میں سے 12 پر آزاد امیدوار چیئرمین منتخب ہو گئے۔ تحریک انصاف 3‘ جے یو آئی 2‘ اے این پی اور جماعت اسلامی ایک ایک نشست پر کامیاب ہوئی۔ نیبرہڈ کی چار نشستوں میں سے دو پی ٹی آئی نے حاصل کر لیں۔ پی پی 1 اور ایک آزاد امیدوار کامیاب ہوا۔ تمام 6 ویلج اور نیبرہڈ کونسلز کے نتائج آ گئے۔ الیکشن کمشن کے مطابق 6 میں سے 3 نشستیں پی ٹی آئی نے جیت لیں۔ جے یو آئی‘ اے این پی ایک ایک نشست حاصل کر سکیں جبکہ ایک آزاد امیدوار کامیاب ہوا۔