گوجرانوالہ:مکران حادثہ میں جاں بحق 7 افراد کی میتیں گھر پہنچ گئیں ‘ سپردخاک 

گوجرانوالہ(نمائندہ خصوصی )مکران بس حادثہ میں جاں بحق ہونیوالے 7 زائرین کی میتیں انکے گھروں کو پہنچ گئیں ،ورثاء غم سے نڈھال،آہوں و سسکیوں میں سپرد خاک کر دیا گیا،دو روز قبل ایران سے واپسی پر مکران کے قریب زائرین کی بس کھائی میں گر گئی تھی حادثہ میں جاں بحق اور زخمی ہونیوالے16افرادکا تعلق گوجرانوالہ کے علاقوں سے تھا، جاں بحق ہونیوالے 7زائرین طاہر حسین ولد عطا سکنہ عفان جی ٹاؤن، ذیشان علی ولد منیر حسین، شفیق ولد ذوالفقار سکنہ ممتاز کالونی، فرمان علی ولد پرویز سکنہ شادمان ٹاؤن، عباس علی ولد حاجی خادم حسین سکنہ مکی روڈکھیالی، مظہر عباس ولد گلزار حسین سکنہ شادمان ٹاون، غلام عباس ولد ثناء اللہ سکنہ ملت والا گلہ کچا ایمن آباد روڈ کی میتیں انکے گھروں کو پہنچ گئیں۔