ستارہ کالونی کے مکین گھنٹوں کی بجلی بندش سے پریشان‘نئے ٹرانسفارمرز لگانے کا مطالبہ

لاہور (نیوز رپورٹر )  ستارہ کالونی سب ڈویژن لیسکو کی حدود میں لاکھوں صارفین مقیم ہیں اور لوڈ کے باعث علاقہ میں 4/5 ٹرانسفارمر کا جلنا معمول بن چکا ہے۔گھنٹوں بجلی غائب رہنے سے  کاروبار تباہ اور شہریوں کا جینا محال ہوجاتا ہے  ۔ تاجر تنظیموں کے سربراہان نے بتایا لاکھوں کی آبادی میںصرف10 لائن مین کام کر  رہے جو ناانصافی ہے۔ عوامی وکاروباری حلقوںنے روزنامہ نوائے وقت کی وساطت سے چیف ایگزیکٹو لیسکو سے اپیل کی کہ ستارہ کالونی سب ڈویژن میں مزید عملہ تعینات کیا جائے اور عوام کی سہولت کیلئے نئے ٹرانسفارمرز لگائے جائیں۔