اسلام آباد (خبر نگار خصوصی) پاک بحریہ کے کموڈور محمد خالد کو ریئر ایڈمرل کے عہدے پر ترقی دے دی گئی ہے۔ ترجمان پاک بحریہ کے مطابق ریئر ایڈمرل محمد خالد نے 1995ء میں پاک بحریہ کی آپریشنز برانچ میں کمیشن حاصل کیا۔ وہ پاکستان نیول اکیڈمی کراچی سے گریجویٹ ہیں اور امریکہ سے ایم ایس اوشینوگرافی کی ڈگری کے حامل ہیں۔ فلیگ آفیسر نے قومی اور بین الاقوامی اداروں سے مختلف پیشہ ورانہ کورسز کیے ہیں۔ انہوں نے اٹلی سے ہاربر اینڈ کوسٹل ہائیڈروگرافی کورس، برطانیہ سے ہائیڈرو گرافی اینڈ میٹرولوجی ایڈوانسڈ سروے کورس، برطانیہ سے خصوصی اکنامک زون پروٹیکشن آفیسرز کورس، پی این وار کالج لاہور سے پاکستان نیوی سٹاف کورس، جنوبی افریقہ سے نیول سٹاف کورس اور نیشنل ڈیفنس یونیورسٹی اسلام آباد سے نیشنل سکیورٹی اینڈ وار کورس کیے ہیں۔