فکشن ہاؤس گوجر خان میںپروفیسر عرفان جمیل کے اعزاز میں تقریب

گوجرخان (نامہ نگار)گوجرخان ٹی ہاؤس کے زیر اہتمام فکشن ہاؤس گوجر خان کے ادبی کانفرنس ہال میں ہفتہ وار ادبی نشست میں  پاکستان کے سابق پی ٹی وی  نیوز کاسٹر اور نامور نعت گو و غزل گو شاعر پروفیسر عرفان جمیل تشریف لائے اور کلام شاعر بزبان شاعر کے عنوان سے نشست منعقد ہوئی ، تلاوت اور نعت پڑھنے کی سعادت ظہیر احمد نے حاصل کی ، مہمان خصوصی سابق سیکرٹری بلدیات پنجاب سید مبشر حسین شاہ اور سی ای او بلدیہ گوجرخان اظہر مجید تھے ، نظامت منتظر امام رضوی نے کی حکیم عبدالرؤف کیانی نے اپنے خطاب میں پروفیسر عرفان جمیل کی نعت گوئی اور غزل گوئی کے حوالے سے خراج تحسین پیش کیا بشارت محمود میرزا نے فکشن ہاؤس اور یہاں منعقدہ تقاریب اور یہاں ادباء و شعراء کی امد اور یہاں کی ادبی نشستوں کے حوالے سے اظہار خیال کیا ماسٹر جاوید اقبال نے یہاں کی تقاریب کا احوال پیش کیا اور حکیم عبدالروف کیانی کی کاوشوں کو سراہا، پروفیسر عرفان جمیل نے اپنا نعتیہ کلام پیش کیا ، تقریب میں مرزا بشارت محمود منتظر امام رضوی،مس شمائلہ، شکور احسن،ڈاکٹر وقار بٹ،ضیا رشید،عبدالرحمان تابانی،ماسٹر جاوید،حافظ طارق محمود،عبدالستار نیازی کلیم اللہ بھٹی ایڈوکیٹ، اشتیاق نوشاہی، فیصل محمود، امجد گلیانوی،,شیخ خرم،احسن محمود دانش رضا،ثاقب محمود،حسن کیانی، ابوالفیض اور خالد محمود نے شرکت کی۔