شمالی کوریا کا نئے گائیڈنگ سسٹم سے لیس 240 ملی میٹر کے متعدد راکٹ لانچرز کا تجربہ

شمالی کوریا نے نئے گائیڈنگ سسٹم سے لیس 240 ملی میٹر کے متعدد راکٹ لانچرز کا تجربہ کیا ہے،ملک کے سربراہ کم جونگ ان نے اس سارے عمل کی بذات خود نگرانی کی۔ غیرملکی خبررساں ادارے کے مطابق شمالی کوریا اپنے ہتھیاروں کو اپ گریڈ کرنے کا عمل جاری رکھے ہوئے ہے،بدھ کو 240 ملی میٹر کے متعدد راکٹ لانچرز کا تجربہ کیا گیا جو کہ نئے گائیڈنگ سسٹم سے لیس ہیں۔یہ تجربہ تقریبا تین ماہ بعد سامنے آیا ہے جب شمالی کوریا نے کہا تھا کہ وہ اپنی فوج کو نئے 240 ملی میٹر کے ملٹی پل راکٹ لانچر سے لیس کرے گا جو جنوبی کوریا میں اہداف کو نشانہ بنانے کی صلاحیت رکھتا ہے۔