ہم آج مددگار ون فائیو پولیس ایپ لانچ کر رہے ہیں:کراچی پولیس چیف

کراچی پولیس چیف نے ایئرپورٹ پولیس اسٹیشن پہنچ کر مددگار ون فائیو کےحوالے سے بنائی گئی نئی موبائل ایپ کا افتتاح کر دیا۔کراچی پولیس چیف جاوید عالم اوڈھو نے اس موقع پر میڈیا سے گفتگو کرتے ہوئے کہا کہ خوشی محسوس ہو رہی ہے کہ ہم آج مددگار ون فائیو پولیس ایپ لانچ کر رہے ہیں۔  انہوں نے کہا کہ عام الناس تک پہنچنے کا سب سے موثر ذریعہ ون فائیو ہے ابھی بھی ٹیلیفون کا یوز اس میں ہو گا، اگر یہ ایپ شہری ڈاؤنلوڈ کرے گا تو اسے لوکیشن نہیں بتانا پڑے گی۔پولیس چیف نے کہا کہ شہری کو پہلے پولیس کو ایڈریس سمجھانا پڑتا تھا، یہ ایپ تیزی سے پولیس رسپانس کا ذریعہ بنے گی. بنیادی مقصد یہ ہے کہ عوام کو اس کی آگاہی مل سکے۔اس موقع پر ڈی آئی جی مددگار ون فائیو عمران یعقوب منہاس کا کہنا تھا کہ ایک ایپ ڈاؤن لوڈ کرنے سے انشاءاللہ بر وقت پولیس کی مدد شہریوں کو مل سکے گی۔ ان کا کہنا تھا کہ ہمارا مقصد کسی بھی مشکل میں پڑے شخص کی مدد کو جلد یقینی بنانا ہے اس ایپ کو اینڈرائیڈ پلیٹ فارم پر ڈیولپ کیا ہے، پولیس ون فائیو کراچی لکھ کر ایپ سرچ کی جا سکتی ہے۔ڈی آئی جی مددگار ون فائیو نے کہا کہ لنک پر کلک کرنے سے ایپ پلے اسٹور میں کھل جائے گی. ایک دفعہ رجسٹریشن کرانے ہوگی صرف ایک بٹن پر آپ نے کلک کرنا ہوگا۔انہوں نے مزید کہا کہ آپ کو ون فائیو ڈائل کرنے کی بھی ضرورت نہیں ہوگی. ہمیں فوری طور پر اس شخص کی لوکیشن معلوم ہو جائے گی۔ڈی آئی جی مددگار ون فائیو عمران یعقوب منہاس نے مزید کہا کہ ہر گاڑی میں مدد گار ون فائیو کی ایک ٹیبلٹ لگا دیا گیا ہے، جو ہی عملہ اس ٹیبلٹ پر لنک کھولے گا متاثرہ شخص کی لوکیشن کھل جائے گی۔