میلبورن میں جاری ٹیسٹ میچ کے تیسرے روزکا کھیل ختم ہوا توآسٹریلوی ٹیم نے اپنی دوسری اننگز میں بھی ایک سوانہتررنزپرچھ وکٹیں گنوا دی تھیں۔ شین واٹسن چون اورسٹیون سمتھ اڑتیس رنز بنا کر نمایاں رہے جبکہ آؤٹ آف فارم رکی پونٹنگ سومنٹ تک بیٹنگ کرکے بھی صرف بیس رنزہی بنا سکے۔ انگلینڈ کی جانب ٹم بریسنن نے تین وکٹیں حاصل کیں۔ آسٹریلیا کو اننگزکی شکست سے بچنے کے لئے اب بھی دو سو چھیالیس رنزدرکارہیں۔ اس سے پہلے انگلش ٹیم اپنی پہلی اننگز میں پانچ سو تیرہ رنزبنانے میں کامیاب رہی۔ جوناتھن ٹروٹ ایک سو اڑسٹھ رنز کی اننگز کھیل کرناٹ آؤٹ رہے جبکہ میٹ پرائر اٹھاسی رنزبنا کرآؤٹ ہوئے۔ آسٹریلیا کی جانب سے پیٹرسڈل نے چھ کھلاڑیوں کو پویلین کی راہ دکھائی۔