لاہور(سپورٹس رپورٹر) انٹرریجن/ ڈیپارٹمنٹس انڈر 19 ٹورنامنٹ کے ٹرینگولر مرحلہ میں مزید دو میچوں کا فیصلہ ہو گیا۔ راولپنڈی اور سیالکوٹ ریجن کی ٹیموں نے اپنی اپنی حریف ٹیموں کو شکست سے دوچار کر دیا۔ پہلے میچ میں راولپنڈی ریجن نے لاہور شالیمارکو44 رنز سے مات دی۔ راولپنڈی کی ٹیم نے 181 رنز بنائے۔ لاہور شالیمار کی ٹیم 137 رنز بنا کر ڈھیر ہو گئی۔ سیالکوٹ ریجن نے 66 رنز سے کامیابی حاصل کی۔ اس میچ میں سیالکوٹ نے پہلے کھیلتے ہوئے240 رنز بنائے۔ زوہیب جمیل نے 51، فیصل جاوید نے 37 نمایاں رنز بنائے۔ پی آئی اے کی جانب سے غلام محمد نے تین، سلمان سعید اور محمد صدیق نے دو دو کھلاڑیوں کو آوٹ کیا۔ 241 رنز کے ہدف کے تعاقب میں پی آئی اے کی ٹیم 174 کے سکور پر ڈھیر ہو گئی۔