گلگت: نامعلوم افراد کی فائرنگ سے ایک شخص جان بحق جبکہ ایک شدید زخمی، امدادی ٹیموں کے بروقت نہ پہنچنے پرزخمی شخص کوکچرا اٹھانے والی ٹرالی پرہسپتال منتقل کرنا پڑا۔

گلگت میں نبی بازارکے قریب نامعلوم افراد نے فائرنگ کردی جس کے نتیجے میں ایک خاکروب کرامت مسیح ہلاک جبکہ لیاقت مسیح شدید زخمی ہوگیا۔ واقعہ کے بعد ریسکیوٹیمیں جائے وقوعہ پربروقت نہ پہنچ سکیں جس کی وجہ سے زخمی شخص کوکچرا اٹھانے والی ٹرالی پرہسپتال منتقل کیا گیا۔ اطلاع کے باوجود پولیس بھی موقع پرنہ پہنچ سکی جبکہ حملہ آورفائرنگ کے بعد باآسانی فرارہوگئے۔