گوجرانوالہ (نمائندہ خصوصی) چیئرمین پارکس اینڈ ہارٹی کلچر اتھارٹی محمد توفیق بٹ ایم پی اے نے سابق وفاقی وزیرغلام دستگیر خان کے ماموں زاد بھائی اور سیاسی و سماجی شخصیت جاوید بٹ کے والد اختر بٹ کی وفات پر ان کے گھر شریف پورہ میں جا کر تعزیت کرتے ہوئے کہا کہ اﷲ تعالیٰ نے اگر ماں کے قدموں میں جنت رکھی ہے تو باپ کے ماتھے کو بھی جنت کے دروازے کا درجہ عطاء کیا ہے۔ آخر میں ایم پی اے محمد توفیق بٹ نے مرحوم کی روح کے ایصال ثواب کیلئے فاتحہ خوانی اور لواحقین کیلئے صبر جمیل کی دعا کی۔ اس موقع پررانا مقصود احمد، رانا پرویز و دیگر بھی ہمراہ تھے۔