اسلام آباد (آئی این پی) آل پاکستان مسلم لیگ کے مرکزی سیکرٹری جنرل ڈاکٹر محمد امجد نے سابق صدر زرداری کی اے پی ایم ایل کے سربراہ پرویز مشرف پر تنقیدکو مسترد کرتے ہوئے کہا ہے کہ کرپٹ زرداری ٹولے کو اب اپنا انجام صاف نظر آ رہا ہے۔ زرداری نے ہمیشہ قومی مفاد کو نظرانداز کر کے ذاتی مفادات کو ترجیح دی‘ فوجی عدالتوں کا قیام زرداری اور اس کے حواریوں کی موت ہے‘ اب جلد نواز شریف اور زرداری کی تمام کالی کرتوتوں سے پردہ اٹھے گا۔