66لاکھ سے زائد کے ڈاکے چوریاں فیروز والا میں نوجوان کو زخمی کردیا

لاہور + فیروز والا (نامہ نگاران) لاہور میں 66 لاکھ سے زائدکے ڈاکے‘ چوریاں، فیروز والا میں مزاحمت پر نوجوان کو زخمی کر دیا۔ ڈاکوؤں نے شاہدرہ کے رہائشی توقیر کے اہلخانہ کو یرغمال بنا کر 9لاکھ 40ہزارروپے مالیت، مصطفی ٹاؤن میںرشید کے گھر سے 6 لاکھ روپے، نواب ٹاؤن میں اشتیاق کی فیملی سے 5 لاکھ، نشتر کالونی اعظم چوک میں بابر اور اس کی فیملی سے3 لاکھ روپے مالیت کی نقدی، طلائی زیورات اور موبائل فون، جوہر ٹاؤن میں اسما عیل سے 7لاکھ 10ہزار، گلشن اقبال میں کاشف عباس سے 5 لاکھ 80ہزار، مغل پورہ میں علی رضا سے2 لاکھ 84ہزار، وحدت کالونی میں ارم شہزادی سے ایک لاکھ، مسلم ٹاؤن شپ میں زوہیب خان اور فیضان سے ڈیڑھ لاکھ، شاہدرہ ٹاؤن میں یعقوب سے 90ہزار اور موٹرسائیکل، ٹاؤن شپ میں اقبال سے 85ہزار اور موبائل، چوہنگ میں یاسین سے 67ہزار اور موبائل، مصطفی آباد میں سرفراز سے 46ہزار اور موبائل، لیاقت آباد میں زاہد سے 35ہزار اور موبائل، نصیر آباد میں صائمہ سے 33ہزار اور موبائل لوٹ لئے۔ چوروں نے ڈیفنس اے کے ارشد کے گھر سے 12لاکھ روپے جبکہ نصیر آباد گلبرگ کی مریم کے گھر سے 10لاکھ روپے مالیت کی نقدی، زیورات اور دیگر سامان چوری کر لیا ہے۔ چوروں نے لوئر مال سے عمر اکبر، شفیق آباد سے عمران، جوہر ٹاؤن سے مدثر، شادمان سے انور اور مسعود کی گاڑیاں جبکہ اسلام پورہ سے نصیر، شاہدرہ سے فرخ، نولکھا سے شاہد، لٹن روڈ سے مقصود، مغل پورہ سے شہزاد، سمن آباد سے کامران، ساندہ سے خالد، گلشن راوی سے حماد، جوہر ٹاؤن سے غلام مرتضی، سبزہ زار سے زین، گرین ٹاؤن سے غلام رسول، ٹاؤن شپ سے حسن، ستوکتلہ سے حیدر، نصیر آباد سے اسلم گارڈن ٹاؤن سے رضوان، اچھرہ سے جواد کی موٹر سائیکلیں چوری کر لی ہیں۔ علاوہ ازیں فیروز والا میں ڈاکوؤں نے مزاحمت پر نوجوان کو زخمی کر دیا۔ کوٹ عبدالمالک ڈاکوؤں نے گن پوائنٹ پر اجمل کو روک کر اس سے موٹرسائیکل اور نقدی، موبائل چھین لیا۔ جی ٹی روڈ پر ڈاکوؤں نے گن پوائنٹ پر نوجوان ندیم سے موٹرسائیکل اور رقم چھین لی، مزاحمت پر اسے زخمی کر دیا، فرار ہو گئے۔ مریدکے میں نامعلوم ڈاکوؤں نے عمران سے 50 ہزار اور موبائل چھین کر فرار ہو گئے۔