لاہور (سپورٹس رپورٹر) پاکستان بلائنڈ کرکٹ کونسل نے اگلے ماہ بھارت میں منعقد ہونے والے ایشیا کپ ٹی ٹونٹی بلائنڈ ٹورنامنٹ کے لیے کپتان، نائب کپتان اور ٹیم مینجمنٹ کا اعلان کر دیا ہے۔ انیس جاوید میگا ایونٹ میں قومی ٹیم کی قیادت کے فرائض انجام دینگے جبکہ نثار علی کو نائب کپتان بنایا گیا ہے۔ پاکستان بلائنڈ ٹیم کی مینجمنٹ میں ایم بلال ستی منیجر، عبدالرزاق کوچ، طاہر بٹ ٹرینر جبکہ آصف عظم کو ٹیم کا میڈیا منیجر مقرر کیا گیا ہے۔