ملک سے غربت ختم کرنے کے مشن پرنکلا ہوں،جب تک سانس ہے اپنا مشن جاری رکھوں گا: عبدالستارایدھی

کراچی میں ڈاکٹرعبدالستار ایدھی نے بھیک مشن کے تحت بولٹن مارکیٹ ، نیوچالی سے تبت سینٹر تک ایدھی فاؤنڈیشن کے فلاحی کاموں کے لیے فت پاتھ پر بیٹھ کر عوام سے بھیک کی اپیل کی ،شہریوں نے عبدالستار ایدھی کی اپیل پر بڑھ چڑھ کرعطیات دیے۔ اس موقع پر عبدالستار ایدھی کا کہنا تھا کہ دکھی انسانیت کی مدد کرنے اور ملک سے غربت ختم کرنے کیلئے جو مشن شروع کیا یہ ضرور پورا ہوگا۔ انھوں نے کہا کہ اتنی بڑی فاؤنڈیشن چلانا اکیلے میرے بس کی بات نہیں یہ تمام کام پاکستانیوں کی مدد سے اللہ چلا رہا ہے۔