راولپنڈی (آن لائن) بینظیر بھٹو ائر پورٹ پر ابوظہبی جانے والی نجی ائر لائن کی پرواز16 گھنٹے تاخیر کا شکار ہو گئی جس پر مسافر سراپا احتجاج بن گئے۔ ائر پورٹ سکیورٹی کے مبینہ تشدد سے 2 مسافر بے ہوش ہوگئے۔ ذرائع کے مطابق نجی ایئر لائن کی پرواز نے گزشتہ شام 6 بجے روانہ ہونا تھا لیکن نامعلوم وجوہات کی بنا پر روانہ نہ ہوسکی جس پر مسافروں نے احتجاج کیا تو ائر پورٹ سکیورٹی اہلکاروں نے تشدد شروع کردیا جس کے نتیجے میں 2 مسافر بے ہوش ہو گئے، مسافروں نے دہائی کرتے ہوئے کہا بیشتر مسافروں کا ویزہ آج ختم ہو رہا ہے۔