راولپنڈی(نیوز رپورٹر)یونین کونسل 6 ڈھوک حسو میں بازار تجاوزات کی زد میں آگیا شہریوں کا پیدل چلنا بھی دشوار ہوگیا دکانیں اندر سے خالی پڑی ہیں جبکہ دکانداروں نے سامان برآمدوں اور سڑک کے کناروںپر سجا لیا جس کی وجہ سے اس علاقے میں قائم گرلز کالج اور گرلز سکول کی طالبات کیلئے شدید مشکلات درپیش ہو گئی ہیں علاقے میں بلدیہ کا عملہ انسداد تجاوزات کبھی نہیں آیا چھابے ، ریڑھیاں اور ٹھیلے لگ گئے ہیں جبکہ چھوٹا چوک میں رکشے ، ٹیکسیوں نے سٹاپ بنا لئے ٹریفک پولیس کہیں نظر نہیں آتی جبکہ تھانہ رتہ امرال کی پولیس بھی دن کو بازار کا گشت کرنے نہیں آتی شہری دن بھر شدید ٹریفک جام اور تجاوزات کے چنگل میں پھنسے رہتے ہیں کسی مریض کا ہسپتال تک پہنچنا ناممکن بن گیا ۔