پشاور (صباح نیوز)پشاور میں گھر کی چھت گر نے سے 3 کمسن بھائی جاں بحق جبکہ والدین زخمی ہو گئے۔ تفصیلات کے مطابق پشاور کے علاقے دین بہار کالونی میں گھر کی چھت گر گئی ۔ واقعہ کے بعد ریسکیو 1122کے اہلکاروں نے ملبے تلے دبے ایک ہی خاندان کے پانچ افراد کو نکال لیا ۔ریسکیو 1122 کے مطابق حادثے میں 3 بچے جاں بحق جبکہ انکا والد اور والدہ زخمی ہوگئے۔ جاں بحق ہونیوالوں میں 10 سالہ نصیب، سات سالہ نصیراور تین سالہ ہدایت شامل ہیں۔