ڈی آئی خان میں ڈکیتی کے دوران ڈاکوکی فائرنگ ‘ دوسگے بھائی جاں بحق

پشاور (اے پی پی) ڈی آئی خان کے علاقے تھانہ کلاچی کی حدودگرہ محبت میں ڈکیتی کی نیت سے گھرمیں داخل ہونے والے ڈاکوں کی فائرنگ سے دوسگے بھائی جاں بحق ہوگئے ۔پولیس کے مطابق جاں بحق ہونے والوں میں ملک سبحانی ،ملک رمضان ولدملک دین محمدکے نام سے ہوئی ۔پولیس کے مطابق جاں بحق ہونے والے دونوں بھائی اپنے گھرمیں محوخواب تھے کہ ڈاکوڈکیتی کی نیت سے گھرمیں داخل ہوئے ،دونوں بھائی مزاحمت پرقتل کردئیے گئے۔پولیس نے نامعلوم ملزمان کے خلاف رپورٹ درج کرکے تفتیش شروع کردی۔