کرونا ویکسین کی مزید 15 ملین خوراکیں پاکستان پہنچ گئیں   

اسلام آباد(آئی این پی ) ایشیائی ترقیاتی بنک  کی جانب سے کرونا وائرس ویکسین کی مزید 15 ملین خوراکیں پاکستان پہنچ گئیں، اے ڈی بی کی جانب سے 500 ملین ڈالر کی امداد دی گئی ہے۔ تفصیلات کے مطابق ایشین ڈویلپمنٹ بنک (اے ڈی بی) کی جانب سے کرونا وائرس ویکسین کی مزید 15 ملین خوراکیں پاکستان پہنچ گئیں۔ ایشیائی ترقیاتی بنککی500 ملین ڈالر کی امداد سے 35 ملین لوگوں کو ویکسین لگے گی، اے ڈی بی کا کہنا ہے کہ رقم سے 75 ملین ویکسین کی خوراکوں، سیفٹی بکس اور سرنجز کی خریداری میں مدد ملے گی۔