شیخوپورہ (نمائندہ نواے وقت)مسلم لیگ (ن) کے مرکزی رہنما رانا تنویر حسین ایم این اے نے کہا ہے کہ نواز شریف کا دل پاکستانیوں کے ساتھ دھڑکتا ہے وہ جلد پاکستان آنا چاہتے ہیں، سٹیبلشمنٹ کے ساتھ ڈیل کے بے بنیاد شوشے چھوڑے جا رہے ہیں نواز شریف محب وطن پاکستانی ہیںاور وہ دو سے تین ماہ تک پاکستان واپس آسکتے ہیں انکی واپسی کے خوف سے حکومتی وزراء بوکھلاہٹ کا شکار ہو کر نواز شریف کو کبھی اڈیالہ کبھی کوٹ لکھپت جیل میں بھیجنے کے بیانات دے رہے ہیں مگر اب جیل جانے کی باری عمران خان اور انکے وزرا کی ہے، ان خیالات کا اظہار انہوں نے وائس چیئر مین ضلع کونسل جہانزیب خان کی رہا ئشگاہ پر امیدوار پی پی 139 طارق محمود ڈوگر اور میڈیا کو آرڈینیٹر ندیم گورایہ کے ہمراہ میڈیا سے گفتگو کرتے کیا،انہوں نے کہا کہ ن لیگ اگر ڈیل کرتی تو جلا وطنی اور جیلوں میں نہ جانا پڑتا ، پیپلز پارٹی پنجاب میں عدم اعتماد لانا چاہتی ہے جسکا ابھی ن لیگ یا پی ڈی ایم اے میں کوئی فیصلہ نہیں ہوا۔