رحیم یارخان(نمائندہ خصوصی)شیخ زید میڈیکل کالج وہسپتال کیلئے ایک اوراعزاز پرنسپل پروفیسرڈاکٹرطارق احمدکوانکی بہترین کارکردگی اورصلاحیتوں کے اعتراف میں گولڈ میڈل د یا گیا، تحریک استحکام پاکستان فاؤنڈیشن نے لاہور میوزیم کے آڈیٹوریم میں ایوارڈ تقسیم تقریب کا انعقاد کیا جس میں پاکستان بھر سے عوام اور اداروں میں بہترین خدمات دینے والی شخصیات کو گولڈ میڈل سے نوازا گیا ۔تقریب میں مہمان خصوصی وزیر اعلی پنجاب کمپلینٹ سیل کے انچارج زبیر خان نیازی چیئرمین تحریک استحکام پاکستان فاؤنڈیشن شیر بہادر خان چغتائی، شیخ محمد امجد،  بشیر احمد گورایا ، ملک محمد امین خان  ، سعدیہ سہیل ایم پی اے، عظمی کاردار ایم پی اے، فرحت  ایم پی اے، فاطمہ چدھڑ ، آصفہ طیب میر  اورمحمد ذیشان نے  شرکت کی۔