دھند اور اوس کے باعث بجلی کا نظام ٹرپ کرگیا، ملتان، بہاولپور اندھیرے میں ڈوب گئے

ملتان + بہاولپور+ جام پور (نیوز رپورٹر/ بیورو رپورٹ/ نامہ نگار) ملتان سمیت جنوبی پنجاب میں شدید دھند کی وجہ سے بجلی کی فراہمی میں تعطل کا سامنا۔ دھند اور اوس کے باعث این ٹی ڈی سی کا 220KV ملتان‘ پیراں غائب اور بہاولپور سرکٹ ٹرپ ہوگئے۔ بریک ڈائون کے باعث ملتان سمیت دیگر علاقوں کے 13 گرڈ سٹیشنوں سے بجلی کی فراہمی متاثر ہوئی۔ میسکو، انڈسٹریل اسٹیٹ، بستی ملوک، لاڑ، شجاع آباد، لودھراں، جلال پور، میران پور، بغداد، بہاولپور کینٹ اور بہاولپور گرڈ سٹیشنز بند ہوگئے۔ میپکو اور این ٹی ڈی سی کی ٹیموں کی جانب سے میسکو، بوسن روڈ، بچ ولاز اور سورج میانی گرڈ سے بجلی بحال کردی گئی۔ تاہم باقی گرڈ سٹیشنوں پر رات گئے تک بجلی کی بحالی کا کام جاری رہا۔