انجمن حمایتِ اسلام کا مسیحی ملازمین کے اعزاز میں کرسمس تقریب 

لاہور (خصوصی نامہ نگار ) انجمن حمایتِ اسلام کے صدر سیّد ضیا حیدر رضوی نے تمام مسیحی ملازمین کے اعزاز میں کرسمس تقریب کا اہتمام کیا، جس کے مہمانانِ خصوصی سیکرٹری جنرل میاں محمد منیر، سیکرٹری فنانس مرزا خادم حسین جرال، سیکرٹری ویلفیئر جسٹس (ر) سیّد سخی حسین بخاری، سیکرٹری تعلیم پروفیسر ڈاکٹر شوکت علی، چیئرمین دارالشفقت کمیٹی سہیل محمود بٹ، چیئرمین حمایتِ اسلام پاشا ہائی سکول ڈاکٹر محمد شفیق اور سیکرٹری محمد اسد قذافی تھے۔ اس موقع پر کیک کاٹا گیا اور شرکا کو پرتکلف چاے پیش کرنے کے علاوہ صدرِ انجمن سیّد ضیا حیدر رضوی اور چیئرمین حمایتِ اسلام دارالشفقت کمیٹی سہیل محمود بٹ نے ہر مسیحی کو5کلو مٹن گوشت، ایک زنانہ اور ایک مردانہ سوٹ اور جوتے بطور عیدی تقسیم کیے۔ اسسٹنٹ سیکرٹری انجمن اصغر علی نے بتایا کہ سبھی مسیحیوں کو کرسمس سے عشرہ قبل تنخواہیں بھی ادا کر دی گئی تھیں۔