راولپنڈی (جنرل رپورٹر)پاکستان پیپلز پارٹی آ ر سی سی بلاول ہاؤس کراچی کے زیر اہتمام بھٹو دی جھگی میں شہید رانی محترمہ بینظیر بھٹو کی 15 ویں برسی کی قرآن خوانی میں شعبہ خواتین پنجاب کی جنرل سیکرٹری نرگس فیض ملک، حفظہ بخاری، عزرہ یونس،شازیہ شہزاد،سعدیہ عباسی، ثمینہ نیازی،اور آ ر سی سی سینٹرل پنجاب کے انچارج سید سادات حسین شاہ، آ ر سی سی گلگت کے انچارج علی بیگ، نائب صدر پنجاب ملک خالد نواز بوبی،راولپنڈی سٹی کے صدر راجہ کامران حسین،پی پی پی سابق صدر بابر جدون، بنارس چوہدری،انور جدون، شفیق کیانی، راجہ طارق حسین، و دیگر خواتین اور پارٹی کارکنان بھی موجود تھے، ممبر آ ر سی سی حافظہ رخسانہ بشیر نے کہا کہ پاکستان میں اس وقت جو جمہوریت ہے وہ شہید بینظیر بھٹو اور پیپلز پارٹی کی قربانیوں کی بدولت ہے، شہید رانی محترمہ بینظیر بھٹو نے ملک میں آمریت کے خاتمے اور عوام کے حقوق کی بحالی کیلئے جان کا نذرانہ پیش کیا ۔