پیپلز پارٹی سٹی کے زیر اہتمام بے نظےر کی برسی پر بلڈ ڈونر کےمپ لگاےا گےا

گوجرانوالہ (نمائندہ خصوصی )پیپلز پارٹی سٹی کے زیر اہتمام شہید جمہوریت بے نظیر بھٹو کی 15ویں برسی کی تقریب کا انعقاد ہوا جس میں جیالوں کی بڑی تعداد نے خون کے عطیات دیئے اور بے نظیر بھٹو شہید کو خراج عقیدت پیش کیا گیا۔تفصیلات کے مطابق بے نظیر بھٹو شہید کی 15ویں برسی کے موقع پر پیپلز پارٹی سٹی سیکرٹری اطلاعات صغیر بٹ کے زیر اہتمام پیپلز سیکرٹریٹ گوندلانوالہ روڈ پر بلڈ کیمپ کا انعقاد کیا گیا جس میں بڑی تعداد میں جیالے خون عطیہ کرنے پہنچ گئے۔ جیالوں نے شہید بے نظیر بھٹو کے لیے قرآن خوانی کی اور ان کی مغفرت کے لیے دعا بھی کی۔ خون کے عطیات دینے والے جیالے جذباتی ہوگئے اور زندہ ہے بی بی زندہ کے نعرے لگانے شروع کر دیئے ۔اس موقع پر پیپلز پارٹی کے رہنما ملک ذوالفقار بھٹو،رانا حنیف ،افضال انقلابی،الیاس نوید شہزاد،صابر باجوہ ،عدیل بٹ ودیگر بھی موجود تھے۔تقریب سے خطاب کرتے ہوئے محمد صغیر بٹ نے کہاکہ شہید جمہوریت محترمہ بے نظیر بھٹو کو خراج تحسین پیش کر نے کے لیے خون کے عطیات بطور نذارنے پیش کیے۔یہ خون تھلیسمیا کے مرض میں مبتلا بچوں کو فراہم کےا جائے گا ۔