شیخوپورہ(نامہ نگارخصوصی+ نمائندہ نوائے وقت)سابق وزیراعظم بینظیر بھٹو کی برسی میں شرکت کیلئے شیخوپورہ سے قافلہ ڈویژنل صدر رائے شاہجہان بھٹی، ڈویژنل نائب صدر چودھری منیر قمر واہگہ ،ضلعی سینئر نائب صدر چودھری خالق عزیز ورک کی قیادت میں روانہ ہوا جس میںچودھری لطیف احسن پنوں، جمشید شہباز ہیرا، اکرم ناز، کاشف گیلانی سمیت دیگر بھی ہمراہ تھے روانگی سے قبل میڈیا سے گفتگو کرتے چودھری منیر قمر واہگہ ،خالق عزیز ورک نے کہاکہ شہید جمہوریت بینظیربھٹو کی سیاسی زندگی نے ثابت کردیا کہ وہ قائد عوام ذوالفقار علی بھٹو کے سیاسی فلسفہ کی جانشین ہیں پیپلزپارٹی کی تاریخ قربانیوںسے عبارت ہے ۔ انہوں نے کہاکہ موجودہ حالات میں عوام کو عمران خان کی سیاست کو مسترد کرکے وفاق کی ضامن پیپلزپارٹی پر اعتماد کرنا ہوگا۔