راولپنڈی (جنرل رپورٹر)ریلوے پولیس میں محکمانہ ترقیوں کا نو ٹیفکیشن جاری ہونے کے بعد نائلہ اشرف ریلوے پولیس میں ڈی ایس پی کے عہدے پر فائز ہونے والی پہلی خاتون افسر بن گئی ،نائلہ اشرف راولپنڈی ریلوے پولیس میں فرائض سر انجام دے رہی ہیں، دیگر ڈی ایس پی نیاز احمد کو ایس پی کے عہدے پر ترقی دے دی گئی،جبکہ انسپکٹر رفاقت حیات تارڑ، سید امیر حسین، حبیب اللہ خان، افتخار احمد، ذوالفقار علی شاہ، نائلہ اشرف، رانا ارسلان اور جاوید خان کو ڈی ایس پی کے عہدے پر ترقی دے دی گئی،آئی جی ریلویز سردار علی خان کا کہنا ہے کہ اس اقدام سے فورس کا حوصلہ بلند ہوگا اور انتظامی نظام میں بہتری آئیگی۔