پی ایچ اے کی میپل ٹری پلانٹشن مہم  ریلوے سٹیشن پارک میں شجرکاری تقریب 

 لاہور(خبرنگار)پی ایچ اے کی میپل ٹری پلانٹشن مہم کے تحت  ریلوے اسٹیشن پارک میں شجرکاری تقریب کا انعقاد کیا گیا۔ تقریب میں جسٹس جواد الحسن نے پودا لگا یا۔اس موقع پر ترجمان پی ایچ اے، انچارج زون 2 بھی موجود تھے۔ جسٹس جواد الحسن نے ملکی سلامتی و استحکام کے لیے دعا بھی کی اس موقع پر جاوید حامد انچارج زون 2 نے بریفنگ دیتے ہوئے کہا کہ فضائی آلودگی کو کم کرنے اور ماحول کو صحتمند بنانے کیلئے شجرکاری ہماری ضرورت ہے۔ درخت قدرتی خوبصورتی اور آب و ہوا کو خوشگوار بنانے کا سبب ہیں۔ ہر فرد کو چاہیے کہ اپنے ماحول کو بہتر بنانے کیلئے اپنی اردگرد خالی جگہ پر پودا لگائے۔