کوئٹہ(اسٹاف رپورٹر) پاکستان پیپلز پارٹی کے سینئر رہنما چیف آف بیرک نوابزادہ میرشادین جان شاہوانی کا شہید محترمہ بینظیر بھٹو کی 15ویں برسی پر سوشل میڈیا کے ذریعے اپنے پیغام میں کہا ہے کہ 27 دسمبر محترمہ شہید بینظیر بھٹو کی 15 ویں برسی کا دن ہے ہم محترمہ شہید بینظیر بھٹو کو اس دن خراج عقیدت اور خراج تحسین پیش کرتے ہیں محترمہ بینظیر بھٹو نے پاکستان کے اندر جمہوریت اور آئین کی بالادستی کیلئے بہت جدوجہد کی ۔محترمہ بینظیر بھٹو کی جدوجہد کا محور جمہوریت، غریب عوام کی معاشی حقوق تھے، شہید بینظیر بھٹو نے بہادری سے دہشتگردی کا مقابلہ کرتے ہوئے اپنی جان کا نذانہ پیش کیا۔پاکستان پیپلزپارٹی آج بھی شہید بینظیر بھٹو کے مشن پر گامزن ہے جس مقصد کیلئے محترم شہید بینظیر بھٹو نے قربانی دی انکی قربانیاں رائیگاں نہیں جانے دیں گے۔