ریاض: مکہ مکرمہ میں کثیر المنزلہ ہوٹل کی عمارت کو جھکاؤ کے باعث خالی کروا لیا گیا جب کہ عمارت میں عمرہ زائرین سمیت دیگر افراد رہائش پذیر تھے۔
غیر ملکی خبر رساں ادارے کے مطابق مکہ مکرمہ میں ایک کثیر المنزلہ ہوٹل کی عمارت کے دوسری عمارت کی طرف جھکاؤ کی ویڈیو سامنے آنے کے بعد شہریوں میں خوف وہراس پھیل گیا۔ویڈیو میں عمارت کو بائیں جانب واضح جھکاؤ کی حالت میں دیکھا گیا ہے جب کہ عمارت میں عمرہ زائرین سمیت دیگر افراد رہائش پذیر تھے۔جھکاؤ زدہ عمارت کو خالی کروا لیا گیا ہے جب کہ سعودی وزارت حج و عمرہ سمیت سول ڈیفنس کے حکام ہوٹل کی عمارت کا جائزہ لے رہے ہیں۔
واضح رہے کہ جس سڑک پر یہ عمارت موجود ہے وہاں اور بھی ایسی کئی کثیر المنزلہ عمارتیں موجود ہیں۔
