کشمیری نوجوان نے پائلٹ بن کر اپنی ماں کی دیرینہ خواہش پوری کردی۔
سوشل میڈیا پر ایک پوسٹ تیزی سے وائرل ہو رہی ہے .جس میں ایک نوجوان نے اپنی ماں کی دو خواہشوں کو پوار کر کے سب کے دل جیت لیے۔کشمیری نوجوان عامر راشد کا تعلق مقبوضہ کشمیر سے ہے جن کی سوشل میڈیا پر ایک تصویر اور پوسٹ خوب وائرل ہو رہی ہے۔
سوشل میڈیا پر وائرل ہونے والی پوسٹ میں ہم یہ دیکھ سکتے ہیں کہ ایک والدہ نے بیٹے کے اسکول کے زمانے میں اس کے گلے میں ایک تحریر لکھ کر ڈالی تھی۔عامر راشد وانی نے ٹوئٹر پراپنی پوسٹ میں بتایا کہ ان کی والدہ کہتی تھیں کہ تم پائلٹ بننا اور مجھے اپنے طیارے میں مکہ معظمہ لے جانا۔عامرراشد وانی نے طیارے کے کاک پٹ میں اپنی تصویر شئیرکرتے ہوئے کہا کہ میں نے اپنی والدہ کا خواب پورا کردیا۔