پولیس ہر روز ملک و امن دشمن عناصر کے ناپاک عزائم کو ناکام بنا رہی ہے :آئی جی  

لاہور(نامہ نگار)انسپکٹر جنرل پولیس پنجاب ڈاکٹر عثمان انور نے ڈیرہ غازی خان کے سرحدی تھانے وہوا کے ایس ایچ او سب انسپکٹر صادق حسین سے اپنے دفتر میں ملاقات کی اور صوبائی سرحد کے بہترین دفاع پر سب انسپکٹر صادق حسین اور ان کی ٹیم کی شاندار کارکردگی کو سراہا۔آئی جی پنجاب نے کہاکہ دہشت گردی کے شدید خطرات کے باوجودپولیس ٹیمیں ہر روز ملک و امن دشمن عناصر کے ناپاک عزائم کو ناکام بنا رہی ہیں، پولیس ٹیم نے متعدد بار دراندازی کی کوشش کو ناکام بنایا۔ مصوری، ادب یا فنون لطیفہ کی دیگر اصناف سے لگاؤ انسان کی خوبصورت شخصیت اور تعمیری سوچ کی عکاسی کرتا ہے۔ پنجاب پولیس کے افسران وجوان اپنے بنیادی فرائض کی بہترین ادائیگی کیساتھ ساتھ دیگر شعبوں میں بھی اپنی مہارت کا لوہا منوا رہے ہیںجو انتہائی قابل ستائش ہے۔آرٹسٹک سوچ اور فکر کے حامل افسران و اہلکار محکمہ کا قیمتی سرمایہ ہیں۔ان خیالات کا اظہار انہوںنے الحمرآرٹ گیلری میں پنجاب پولیس کے افسران کے تیار کردہ آرٹ فن پاروں کی"پنجاب پولیس آرٹ نمائش 2023" میں خطاب کرتے ہوئے کیا۔ آئی جی پنجاب ڈاکٹر عثمان انور نے نیشنل کالج آف آرٹس کے پرنسپل ڈاکٹر مرتضٰی جعفری کے ہمراہ نمائش کا افتتاح کیا۔