لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔تفصیلات کے مطابق ڈاکوؤں نے غازی آباد میں سلیمان اختر سے اسلحہ کے زور پر 6لاکھ روپے لوٹ لئے اورفرار ہوگئے۔ڈاکوؤں نے لیاقت آباد میں سمیر ملک سے 5لاکھ 10ہزار‘پرائزبانڈ، طلائی زیوارات دیگر سامان، ٹاؤن شپ میں موٹر سائیکل سوار ڈاکوؤں نے افضل ‘اس کی فیملی سے 2لاکھ81 ہزار ‘زیوارات ‘ موبائل فون،اسلام پورہ میں سید کبیر ‘ اس کی فیملی سے 2لاکھ 27ہزار‘ زیوارات،ملت پارک میں یاسر سے 56ہزار‘ موبائل فون،نواب ٹاؤن میں سلطان سے 42ہزار ‘موبائل فون،لاری اڈہ میں فدا سے 17 ہزار‘ موبائل فون،اقبال ٹاؤن میں خاور سے 2 ہزار ‘ موبائل فون لوٹ لیا اورفرارہوگئے ہیں۔چوروں نے فیصل ٹاؤن،ڈیفنس ‘ ہربنس پورہ  سے 3 گاڑیاں،مانگا منڈی سے رکشہ جبکہ رنگ محل،بھاٹی گیٹ،سندر،گارڈن ٹاؤن،گرین ٹاؤن،گلشن اقبال، کاہنہ اور گڑھی شاہو سے9 موٹرسائیکل چوری کرلئے۔