گوجرانوالہ(نمائندہ خصوصی )گوجرانوالہ الیکٹرک  پاور کمپنی (گیپکو) کے سابق چیئر مین بورڈ آف ڈائریکٹرز محمد شعیب بٹ نے کہا ہے کہ پاکستان کی بہترین ڈسٹری بیوشن کمپنی کے بی او ڈی کی سربراہی میرے لئے کسی اعزاز سے کم نہیں تھی۔ان خیالات کا اظہار انہوں نے اپنے اعزاز میں دی گئی الوداعی تقریب سے خطاب کرتے ہوئے کیا۔چیف ایگزیکٹو گیپکو انجینئر محمد ایوب نے کہا کہ محض چند ماہ کے دور اقتدار میں گیپکو کو ملک کی بہترین کمپنی بنانے اور صارفین گیپکو کے ساتھ گیپکو افسران و ملازمین کی فلاح کیلئے اقدامات اُٹھانے پر محمد شعیب بٹ کو خراج تحسین پیش کرتے ہیں۔اس موقع پر محمد شعیب بٹ کو گیپکو انتظامیہ کی جانب سے خصوصی پھول اور سوینئر بھی دی گئی۔ تقریب میںعاطف فرید صابر، حافظ فہد شکور، رانا فرحان معظم، ضیا محی الدین، چودھری اصغر وڑائچ، انجم سہیل بٹ، جنرل منیجر مظہر نوید، ڈی جی ایچ آر اینڈ ایڈمن جلیل الرحمن، چیف انجینئرز معظم فضل، چوہدری شوکت و دیگر افسران نے شرکت کی۔