پرنسپل پروفیسر امجد علی شاکر نے افتتاح کیا، طلبہ نے نظم و ضبط کا حلف اٹھایا
لاہور (سپورٹس رپورٹر) اسلامیہ کالج ریلوے روڈ کی سالانہ کھیلوں کا افتتاح پرنسپل پروفیسر امجد علی شاکر (معروف ادیب) نے کیا۔ طلبہ نے سہ روزہ کھیلوں میں نظم و ضبط کا حلف اٹھایا۔ پہلے روز آٹھ سو میٹر کی دوڑ، ڈسکس تھرو، ہائی جمپ، شارٹ پٹ، جیولین تھرو کے مقابلے ہوئے جس میں طلبہ کی کثیر تعداد نے حصہ لیا۔ اس تقریب میں وائس پرنسپل محمد صدیق اختر، چیئرمین سپورٹس بورڈ طلعت ڈار، ڈاکٹر ثاقب نفیس، پروفیسر ناظم حسنین، جاوید اختر، ڈاکٹر تنویر حسین، غضنفر علی، عبدالستار راہی، پروفیسر خالد رفیع، محمد زاہد اعوان، اقبال چیمہ، منور عثمانی، خالد محمود، عباد علی سحر ناز، دیگر اساتذہ کرام، کالج ملازمین اور طلبہ کی بڑی تعداد نے شرکت کی۔