گجرات (نامہ نگار)  ذرائع کے مطابق سکیورٹی خدشات کے باعث امریکی سفیر رچرڈ اولسن سمیت اہم شخصیات نے نمائش تقریبات میں شرکت سے معذرت کر لی ہے۔ دریں اثناء ظہور الٰہی سٹیڈیم کے دکانداروں نے صنعتی نمائش کے انتظامات کے باعث کاروبارہ تباہ ہونے پر آج احتجاجاً ہڑتال کرنیکا اعلان کر دیا۔ دکانداروں کا میڈیا سے بات چیت کرتے ہوئے کہنا تھا سٹیڈیم کے باہر مقیم تمام دکانداروں کے کاروبار تباہ ہو چکے ہیں اور پولیس گاہکوں اور عام افراد کو سکیورٹی کارڈ دکھائے بغیر اندر جانے کی اجازت نہیں دے رہی ٗ جس سے دکانداروں کو روزانہ لاکھوں کا نقصان اٹھانا پڑ رہا ہے۔ اس سلسلہ میں ظہور الٰہی سٹیڈیم کے دکاندار آج بعد نماز جمعہ احتجاج کریں گے۔