سید والا: دسویں کے طالب علم سے اجتماعی زیادتی، ویڈیو بنالی، آٹھوں ملزم گرفتار

سیدوالا + ننکانہ+ قصور، فیروز والا، گجرات (نامہ نگاران+ نمائندہ نوائے وقت) سیدوالامیں 8اوباش نو جوانوںنے دسویں جماعت کے طالب علم کو اغوا کر کے سکول میں لے جا کر اجتماعی زیادتی کا نشانہ بنا ڈالا۔ملزموں نے ویڈیو فلم بنا کر درجنوں افراد کو فروخت کر دی اور مبینہ طور پر سوشل میڈیا پر بھی اپ لوڈ کر دی مقامی پولیس وقوعہ کے ایک ماہ تک بے خبر رہی ۔آخر کار ڈی پی او ننکانہ صاحب کو اطلاع ملنے پر ڈی پی او نے ملزمان کے خلاف مقدمہ درج کروا کر ڈی ایس پی ہیڈ کوارٹر ننکانہ صاحب اور سی آئی اے پو لیس ننکانہ سمیت دیگر پولیس اہلکاران کی وساطت سے تمام ملزمان کو گرفتار کر لیا۔ سیدوالا کے نواحی گائوں چک نمبر 15/67میں تقریبا ایک ماہ قبل آٹھ اوباش نوجوانوں صلاح الدین ایوبی ،احسان علی ، محمد اویس ،کلیم اللہ ،زبیر اشرف ،ذیشان اور نعمان نے اسد مصطفی جو گورنمنٹ ہائی سکول سیدوالا میں دسویں جماعت کا طالب علم بتایا جاتا ہے سے زیادتی کی۔موبائل فون سے ویڈیو فلم بنائی بعد ازاں ملزمان نے اسے بلیک میل کرنے کے لئے ویڈیو فلم بنا لی اور سوشل میڈیا پر اپ لوڈ کرنے کے علاوہ فلم کی کاپیاں بنا کر فی فلم بیس روپے میں لوگوں کے موبائل فونز میں ٹرانسفر کی جاتی رہیں۔ قصور سے نمائندہ نوائے وقت کے مطابق جھگیاں کھوکھراں بشمولہ کانڈورنگڑ کے غلام مصطفی کا دس سالہ بیٹا محمد ناظم کھیتوں سے چارہ لینے کی غرض سے جا رہا تھا راستے میں ملزم یونس اسے زبردستی کھینچ کر گندم کی فصل میں لے گیا اور اسے زبردستی زیادتی کا نشانہ بنا کر فرار ہو گیا۔ فیروز والا میں دو خواتین سے زیادتی اور ایک لڑکی نے زیادتی کی کوشش ناکام بنا دی۔ قصبہ شرقپور خورد کوٹ عبدالمالک میں ثاقب اور اس کے ساتھیوں نے خاتون (م) کو اغوا کرنے کے بعد اسے دوست کے گھر میں لے جا کر زیادتی کر ڈالی۔ لاہور روڈ کی آبادی گارڈن ٹائون میں عامر اور اس کے ساتھی شہزاد وغیرہ نے شادی شدہ خاتون (ش) کو زبردستی زیادتی کر ڈالی۔ رانا ٹائون میں ذیشان اور ساجد نے محلہ دار کی بیٹی (ن) کو گھر کے باہر سے زبردستی اغوا کر کے قریبی گھر می لے جا کر زیادتی کرنے کی کوشش کی جس نے شور مچا کر کوشش ناکام بنا دی۔ علاوہ ازیں لالہ موسیٰ کے علاقہ ہیرا پور میں 9ویں کلاس کی طالبہ سے زیادتی، ملزم گرفتار، تھانہ صدر لالہ موسیٰ کے علاقہ موضع ہیرا پور میں ایک گھر میں داخل ہو کر 9 ویں کلاس کی طالبہ 14 سالہ لڑکی (ر) سے زیادتی کی۔