کراچی (نیوز رپورٹر) پاک سرزمین پارٹی نے کراچی ڈویژن کمیٹی کے ناموں کا اعلان کر دیا ہے ۔کمیٹی کے صدر آصف حسینن اورجنرل سیکرٹری منظور احمدہونگے اور ساتھ ہی یوتھ کمیٹی کے صدر سید وحید الزامان اور جنرل سیکرٹری کاشف قائم خانی کے بھی ناموں کا اعلان کیاگیا۔ یہ اعلان پاک سر زمین پارٹی کے جنرل سیکرٹری رضا ہارون نے پی ایس ایس کے تحت پاکستان ہاﺅس میں منعقدہ تنظیم نو اجلاس میں شرکا ءسے خطاب کرتے ہوئے کیا۔اس موقع چیئرمین پی ایس پی سید مصطفی کمال، صدر انیس قائم خانی، و دیگر مرکزی رہنما، ذمہ داران اور کارکنان بہت بڑی تعداد میں موجود تھے۔ شرکا ءسے خطاب کر تے ہوئے چیئر مین سید مصطفی کمال نے کہا کہ ایک سال سے کم عرصے کی جماعت نے جو بیچ لگا یاتھا وہ قلیل مدت میں آج ایک تناور درخت کی شکل اختیار کرگیا ہے جس کی شاخیں آج پورے ملک ہی نہیں بلکہ دنیا بھر میں جہاں کہیں پاکستانی آباد ہیںوہاں پھیل چکی ہیں اور پاکستان کے تمام ایوانوں میں پی ایس پی کی بازگشت ہے۔انہوں نے کہاکہ ہمیں روایتی سیاسی جماعتوںکی طرح کھالیں، فطرہ، زکوٰة جمع نہیں کرنی اور نہ کسی کو وزیراعظم یا وزیرِ اعلیٰ بنانے کی جدوجہد کرنی ہے۔
مصطفی کمال