آل پاکستان جونیئر سکواش چیمپئن شپ عباس زیب اور عزیز شوکت نے جیت لی

لاہور ( نمائندہ سپورٹس ) آل پاکستان نیشنل جونیئر سکواش چیمپئن شپ عباس زیب اور عزیر شوکت نے جیت لی۔ فائنل کے مہمان خصوصی سیکرٹری سپورٹس نیئر اقبال تھے۔ انڈر 19 کا فائنل عباس زیب نے ذیشان گل کو ہرا کر جیت لیا۔ انڈر 17 کے فائنل میں عزیر شوکت نے عزیز رشید کو ہرا دیا۔ انڈر 15 مقابلوں میں کوشل ریاض نے علی شیر کو 11-6, 11-13, 12-10, 11-2 سے ہرا کر فائنل جیت لیا۔ انڈر 13 بوائز میں پی اے ایف کے محمد حمزہ نے اپنے ہی محکمے کے محمد امجد کو ہرا کر ٹائٹل جیت لیا۔انڈر 11 میں خاقان ملک نے عثمان ندیم بٹ کو 7-11, 11-6, 8-11, 11-9, 11-9 سے ہرا کر ٹائٹل جیت لیا۔ اختتامی تقریب میں سیکرٹری سپورٹس نیئر اقبال نے کھلاڑیوں کی حوصلہ افزائی کی۔ سیکرٹری پنجاب سکواش ایسوسی ایشن شیراز سلیم نے سیکرٹری سپورٹس کا خصوصی شکریہ ادا کیا۔